Ási með góðan sigur á 501 móti

Fimmtudaginn 28. maí fór fram skemmtilegt og spennandi 501 pílumót í Digraneshöllinni þar sem alls mættu 14 keppendur til leiks. Keppt var í þremur riðlum áður en átta efstu fóru áfram í útsláttarkeppni auk þess sem leikið var um forsetabikar.

Mótið var afar vel heppnað og buðu keppendur upp á marga hörkuleiki frá fyrstu umferð. Í riðlakeppninni voru það sérstaklega þeir Ási, Bjarki og Halli B sem spiluðu hvað best og spiluðu af miklum stöðugleika.

Gaman er að segja frá því að Steinunn Sævarsdóttir tók sitt fyrsta 180 í mótinu - til hamingju Steinunn!

Hér eru riðlablöðin og úrslit úr því

Þegar komið var í útsláttarkeppnina jókst spennan enn frekar. Þar féll Bjarki út gegn Halla eftir harða viðureign, á meðan Ási hélt uppteknum hætti úr riðlinum og tryggði sér sæti í úrslitaleiknum gegn Halla.

Í úrslitaleiknum var Ási í miklum ham og svo til óviðráðanlegur. Hann kláraði leggina á 21, 21 og 24 pílum og sýndi mikla leikni við spjaldið. Útskotanýting hans var einnig einstaklega góð, eða um 50%, sem reyndist lykillinn að góðum sigri í úrslitaleiknum.

Ási sigraði því úrslitaleikinn sannfærandi 3–0 gegn Halla og stóð uppi sem sigurvegari kvöldsins. Vel gert Ási 🎉

Í forsetabikarnum sigraði Björn Magnús. Hann sigraði Árna 3-0 í undanúrslitum og Tómas 3-1 í úrslitum. Vel gert Björn 🎯

Mótið tókst afar vel í alla staði og ljóst að mikil stemning og metnaður er fyrir pílukastinu hjá Pílufélagi Kópavogs  – næsta mót er rétt handan við hornið!

Bara smella á Viðburðir PFK til að sjá næstu mót.