3. umferð Pingpong.is mótaraðarinnar - úrslit

Pingpong.is mótaröðin: Þriðja mótið haldið 17. október 2024

Fimmtudaginn 17. október fór fram þriðja kvöld Pingpong.is mótaraðarinnar í Pílufélagi Kópavogs. Þetta var þriðja mótið af sex en fjögur bestu kvöldin telja til stiga í stigakeppninni. Mótið var vel sótt og mættu alls 12 keppendur.

Spilað var í tveimur riðlum, þar sem fjórir efstu úr hvorum riðli komust áfram í 8 manna úrslit. Eftir spennandi viðureignir sigraði Jón Bjarmi úrslitaleikinn gegn Halla Eysteins í flottum leik, þar sem báðir spiluðu með tæplega 70 í meðaltal og úrslit réðust í oddalegg.

Helgi Freyr og Sigurður Þorsteinn deildu 3.-4. sæti, en Atli Þór, Marco, Þórir og Tjúlli lentu í 5.-8. sæti. Mótið var skemmtilegt og spennandi frá upphafi til enda.

Fjórða mótið í mótaröðinni verður haldið næstkomandi fimmtudag, 24. október kl. 19:30. Allir eru velkomnir!