Kári og Ægir Kópavogsmeistarar í 501 tvímennig 2026

Sigurvegararnir Kári Vagn og Ægir Hafberg

Kópavogsmótið í 501 tvímenningi fór fram þriðjudaginn 24. feb. Þrettán pör tóku þátt í mótinu og var keppt í tveimur riðlum, svo var farið í 8 liða útslátt.

Leikir dagsins einkenndust af flottri spilamennsku og má með sanni segja að stemningin hafi verið eins og best verður á kosið í Digranesinu. Frábær spilamenska og mjög jafnir leikir voru spilaðir í þessu móti.

Feðgarnir Guðgeir og Kolbeinn

Eftir spennandi riðlakeppni og hörkueinvígi í útsláttarkeppninni stóðu Kári Vagn og Ægir Hafberg uppi sem sigurvegarar eftir að hafa lagt Guðgeir og Kolbein Gest af velli í úrslitaleiknum 3-2. Frábær leikur og mikil spenna allt til enda, enda frábærir leikmenn hér á ferð.

Í 3. til 4. sæti voru annars vegar Ási og Bjarni og hins vegar Karl Arnar og Ingi Rafn.

Við óskum sigurvegurunum til hamingju og þökkum öllum keppendum fyrir þátttökuna – næsta mót er rétt handan við hornið!

Bara smella á Viðburðir PFK til að sjá næstu mót.