Leikur gegn Íþróttafélaginu Snóker og pool

Íþróttafélagið Snóker og pool (ÍSP) bauð okkur í heimsókn í þeirra aðstöðu miðvikudagskvöldið 13. ágúst. Við spiluðum við þá tvímenning og liðakeppni. Það var byrjað að spila best af 5 í tvímennig þar sem fjögur pör okkar spiluðu gegn fjögur pörum þeirra, alls sextàn leikir. Pör okkar voru þannig skipuð : Halli B-Kári, Sævar-Elís, Ási-Kolli og Kristján-Elvar. Fóru leikar 14-2 fyrir okkur.

Einnig spiluðum við tvo leiki í liðakeppni. A-lið okkar gegn þeirra A-liði. Leikurinn fór í odda og endaði 9-8 okkur í vil. Svo B-lið okkar gegn B-liði þeirra en sá leikur fór 9-2 okkur í vil, en það var ákveðið að klára alla leggi og endaði 12-4 fyrir okkur.

Gaman er að segja frá því hve vel ungu strákarnir spiluðu en Kári Vagn og Kolbeinn spiluðu frábærlega. Einnig kom Elvar inn í liðið á síðust stundu og sýndi frábær tilþrif, en hann er að taka miklum framförum í sumar.

Lið PFK: Elvar, Elís, Ási, Kristján, Kolbeinn, Sævar, Halli og Kári.

Við þökkum ÍSP boðið, takk fyrir frábærar veitingar og auðvitað leikinn líka.

Aðstaðan hjá þeim er frábær og við mælum með að fólk kíki á Snóker og pool og taki leik.

Takk fyrir okkur 🎯