Unglingamótaröð Pingpong.is og PFK - úrslit 1. umferðar

Fyrsta umferð Unglingamótaraðar Pingpong.is og PFK fór fram föstudaginn 19. janúar. Mótaröðin er spiluð annan hvern föstudag í aðstöðu PFK í Digranesi og telur alls fimm skipti þar sem fjórar bestu umferðir telja til stiga. Pingpong.is veitir verðlaun stigameistara að mótaröð lokinni.

Átta unglingar mættu til leiks í 1. umferð og var spilað í tveimur riðlum með útslætti í kjölfar riðla. Úrslit í 8 manna úrslitum voru eftirfarandi:

• Jóhann Fróði 3 - 0 Óðinn Logi

• Þorbjörn Óðinn 3 - 1 Snæbjartur Sölvi

• Kári Vagn 3 - 0 Anton Freyr

• Marel Haukur 3 - 1 Óskar Páll

Tveir hörkuleikir voru svo spilaðir í undanúrslitum þar sem úrslit voru svohljóðandi:

• Jóhann Fróði 3 - 2 Þorbjörn Óðinn

• Kári Vagn 3 - 2 Marel Haukur

Leikið var um bæði gull og brons í mótinu og fór það svo:

• Leikur um 1. sæti: Jóhann Fróði 3 - 1 Kári Vagn

• Leikur um 3. sæti: Marel Haukur 3 - 1 Þorbjörn Óðinn

Jóhann Fróði er sigurvegari fyrstu umferðar Unglingamótaraðar Pingpong.is og PFK, Kári Vagn tekur annað sætið og Marel Haukur það þriðja.