Kristján og Agnes fögnuðu sigri á 301 tvímenningsmóti í Digranesi
Þriðjudaginn 20. október fór fram skemmtilegt 301 tvímenningsmót á vegum Pílufélags Kópavogs í Íþróttahúsinu Digranesi.
Alls mættu 12 keppendur til leiks, eða sex lið, og var keppt í einum riðli þar sem öll liðin mættust. Frábær stemning ríkti á mótinu og margir hörkuleikir litu dagsins ljós.
Kristján og Agnes sýndu styrk sinn og tryggðu sér sigurinn á mótinu. Þau léku af miklu öryggi, töpuðu aðeins einum leik í riðlakeppninni og stóðu að lokum uppi sem verðskuldaðir sigurvegarar.
Baráttan um næstu sæti var ekki síður spennandi. Ási og Ingólfur gerðu sér lítið fyrir og lögðu sigurvegarana Kristján og Agnesi að velli. Þeir töpuðu hins vegar gegn Kolla og Kristni og urðu að lokum í öðru sæti, aðeins á lakara leggjahlutfalli.
Kristinn og Kolli áttu einnig góðan dag við spjaldið. Þeir töpuðu aðeins tveimur leikjum og tryggðu sér þriðja sætið eftir harða keppni.
Lokastaða mótsins
1. sæti – Kristján og Agnes
2. sæti – Ási og Ingólfur
3. sæti – Kristinn og Kolli
4. sæti – Guðjón H. og Guðjón Dan
5. sæti – Elvar og Anna Björg
6. sæti – Stefán og Jóhannes
Pílufélag Kópavogs óskar Kristjáni og Agnesi innilega til hamingju með sigurinn og þakkar öllum keppendum fyrir þátttökuna, skemmtilega keppni og frábæra stemningu.
Langar þig að taka þátt í næsta móti?
Hjá Pílufélagi Kópavogs eru allir velkomnir, jafnt byrjendur sem lengra komnir. Við hvetjum alla áhugasama til að kynna sér fjölbreytta mótadagskrá og starfsemi félagsins.
Nánari upplýsingar og dagskrá má finna á heimasíðu okkar:
Allir velkomnir – sjáumst við píluspjaldið
ÁFRAM PFK!🎯
Comments