Kári Vagn Kópavogsmeistari unglinga í krikket 2026

Laugardaginn 10. október fór fram Kópavogsmót unglinga í krikket hjá Pílufélagi Kópavogs (PFK) í Íþróttahúsinu Digranesi. Sjö ungir og efnilegir pílukastarar mættu til leiks og var keppt í tveimur riðlum áður en haldið var í útsláttarkeppni.

Kári Vagn og Jökull Þór sterkastir í riðlakeppninni

Mikil keppni var meðal þátttakenda og sýndu ungmennin góða takta við spjaldið. Kári Vagn stóð uppi sem sigurvegari í sínum riðli og Jökull Þór gerði slíkt hið sama í hinum riðlinum.

Í útsláttarkeppninni hélt Kári Vagn áfram á sigurbraut. Hann sat hjá í fyrstu umferð og mætti síðan Max í undanúrslitum. Þar sýndi Kári öfluga frammistöðu og tryggði sér sæti í úrslitaleiknum með öruggum 2–0 sigri.

Jökull Þór þurfti hins vegar að leggja tvo andstæðinga af velli á leið sinni í úrslitin. Hann sigraði fyrst Eyþór 2–0 og mætti síðan Jakobi í undanúrslitum, þar sem hann vann einnig 2–0.

Kári Vagn tryggði sér meistaratitilinn! 

Það voru því riðlameistararnir Kári Vagn og Jökull Þór sem mættust í úrslitaleiknum.

Kári Vagn sýndi þar enn á ný hvers hann er megnugur. Með góðum köstum og öruggum leik náði hann yfirhöndinni og tryggði sér glæsilegan 2–0 sigur. Þar með varð hann Kópavogsmeistari unglinga í krikket árið 2026!

 Lokastaða mótsins 🏆 

1. sæti – Kári Vagn  

2. sæti – Jökull Þór  

3.–4. sæti – Jakob og Max

Pílufélag Kópavogs óskar Kára Vagni til hamingju með meistaratitilinn og öllum verðlaunahöfum með frábæran árangur. Jafnframt færum við öllum sjö keppendum mótsins bestu þakkir fyrir þátttökuna. Það er einstaklega ánægjulegt að fylgjast með ungu pílukösturunum okkar taka framförum og öðlast dýrmæta keppnisreynslu.

Öflugt unglingastarf hjá PFK

Nóg er um að vera hjá Pílufélagi Kópavogs og fjölbreytt dagskrá fram undan í Digranesi. Við hvetjum öll börn og ungmenni sem hafa áhuga á píluíþróttinni til að koma og kynna sér starfið.

Nánari upplýsingar um æfingar, mót og viðburði má finna á www.pfk.is.

Allir velkomnir!

ÁFRAM PFK!🎯