Sóldís ósigrandi á 501 kvennamóti
Þriðjudaginn 13. október fór fram 501 kvennamót hjá Pílufélagi Kópavogs. Fimm konur mættu til leiks og var keppt í einum riðli þar sem allar léku gegn öllum.
Það var hin efnilega Sóldís sem stal senunni þetta kvöld. Hún sýndi frábæra takta við spjaldið, sigraði alla sína leiki og tryggði sér verðskuldaðan sigur á mótinu.
Sóldís hefur sýnt miklar framfarir í píluíþróttinni og er einstaklega ánægjulegt að fylgjast með ungum og efnilegum leikmönnum láta að sér kveða á mótum félagsins.
Auk Sóldísar tóku þær Elín Dögg, Birgitta, Bryndís og Ásta þátt í mótinu og lögðu sitt að mörkum til skemmtilegrar keppni og góðrar stemningar.
Pílufélag Kópavogs óskar Sóldísi innilega til hamingju með sigurinn og þakkar öllum keppendum fyrir þátttökuna.
Komdu í pílu hjá PFK!
Við hvetjum allar konur, jafnt byrjendur sem lengra komnar, til að taka þátt í fjölbreyttu pílustarfi félagsins. Hjá PFK er lögð áhersla á góða stemningu, skemmtilegan félagsskap og tækifæri fyrir alla til að bæta sig í íþróttinni.
Kynntu þér dagskrána og næstu viðburði á heimasíðu félagsins:
Allar velkomnar!
ÁFRAM PFK! 🎯
Comments