Ási og Siggi Kópavogsmeistarar í 701 tvímenningi

Þriðjudaginn 24. mars var haldið Kópavogsmót í 701 tvímenningi. 20 einstaklingar mættu og voru því 10 pör í mótinu. Skipt var í tvo riðla og komust fjögur pör upp úr hvorum riðli í átta para úrslit. Frábærir leikir voru spilaðir og þó nokkur 180 tekin.

Árni Ágúst og Þórir spiluðu vel og unnu alla sína leiki. Feðgarnir Guðgeir og Kolli, og vinirnir Karl og Ingi voru líka að sýna góða takta. Mikil barátta var um að komast í átta para úrslit en Sölvi og Guðjón H unnu innbyrðisleik við Braga og Elvar og komust þannig í átta para úrslit.

Alex Máni og Sandra voru í engum vandræðum og unnu alla sína leggi og leiki í riðlinum. Kóngarnir töpuðu bara einum leik og spiluðu vel. Ási og Siggi byrjuðu illa með að tapa fyrstu tveimum leikjunum en björguð sér inn í átta para úrslit. Svo komust feðgarnir Ari og Björn líka áfram.

Frábærir leikir voru spilaðir í 8 para úrslitum. Ási og Siggi rétt mörðu Kolla og Guðgeir og komust í undanúrslit. Aðrir leikir fóru svo til eftir bókinni miðað við fyrri úrslit kvöldsins. Í undanúrslitum urðu óvant úrslit í báðum leikjum. Ási og Siggi tóku Alex Mána og Söndru 2-0 og Ingi og Karl tóku Árna og Þóri 2-0 í hörkuleik. Skemmtilegur úrslitaleikur kom svo, hann fór í odda en þar sýndu Ási og Siggi góð tilþrif og tóku hann öruglega.

Nýliðarnir Karl Arnar og Ingi Rafn stóðu sig vel. Þeir hafa tekið miklum framförum síðustu mánuði og enduðu þeir í öðru sæti á mótinu.

Vel gert strákar👏🏻👏🏻👏🏻.

Við óskum sigurvegurunum til hamingju og þökkum öllum keppendum fyrir þátttökuna – næsta mót er rétt handan við hornið!

Bara smella á Viðburðir PFK til að sjá næstu mót.