Kópavogsmótið í 501 tvímenningi

Þann 19. september 2024 fór fram eitt af árlegum pílumótum Pílufélags Kópavogs, sem tókst með miklum ágætum. Mótið var haldið í félagsaðstöðunni í Kópavogi, og voru aðstæður eins og alltaf til fyrirmyndar. Að þessu sinni var um tvímenningskeppni að ræða, þar sem tveir keppendur skipuðu hvert lið og kepptu í 501. Alls tóku níu pör þátt í mótinu, og mátti sjá blöndu af reynslumiklum keppendum og nýliðum á meðal þátttakenda.

Keppnin var æsispennandi og oftar en ekki hart tekist á. Eftir flotta leiki og hörkuspennandi úrslitarimmu voru það Halli Birgis og Kári Vagn sem stóðu uppi sem sigurvegarar mótsins. Þeir voru öflugir allt frá fyrsta leik og góð samvinna þeirra tryggði þeim fyrsta sætið.

Í öðru sæti lentu Helgi Freyr og Þórir, sem voru að spila mjög vel og stóðu sig vel í öllum viðureignum. Keppnin fór að vanda vel fram, andrúmsloftið var létt og jákvætt, og mættu bæði keppendur og áhorfendur í góðum anda.

Pílufélag Kópavogs vill þakka öllum þátttakendum fyrir góða keppni og óskar sigurvegurum innilega til hamingju! Við hlökkum til að sjá ykkur á næsta móti.